LAOAG CITY – Nagpanawagan ni Iglesia ni Cristo (INC) Spokesperson Edwil Zabala ti napudno nga imbestigasion mainaig iti maipagarup a korapsion iti gobierno.
Karaman iti panawagan ti panangipasango kadagiti personalidad a maitudtudo iti isyu tapno masigurado ti panangsungbat dagitoy.
Inbatad ni Zabala a madandanagan isuna gapu ta dagiti sumagmamano nga adda iti gobierno, media ken sumagmamano a political analyst a balbaliktadenda ti impormasion mainaig iti linteg.
Kunana a malasin ti panangperdi kadagiti tattao a tumultulong iti imbestigasion tapno makaluban ti pudno a namunganayan ti panagtakaw ti kuarta dagiti tattao.
