LAOAG CITY – Inbatad ti Malakanyang a saan a mabuteng daytoy ken ma-pressure iti protesta dagiti miembro ti Iglesia Ni Cristo (INC) iti baet ti pannakaipila ti plunder charges kontra ken ni Senator Rodante Marcoleta.
Immunan ditoy ti pormal a naipila a kaso a plundr ti Office of the ombudsman kontra ken ni Senator Rodante Marcoleta iti Sandiganbayan mainaig iti maipagarup a saan a naideklarar a P75 milyon a campaign donations.
Kadwana met a napilaan ti kaso isuda dati a kongresista Mike Defensor ken dagiti negosiante a Joseph Varias Espiritu ket Aristotle Baluyut Viray a maitudtudo a nangipaay ti nasao a donasion.
Segun iti Ombudsman, saan nga agarup a naitipon ti P75 milyon iti Statement of Contributions and Expenditures (SOCE) ken Statement of Assets, Liabilities and Net Worth (SALN) ni Marcoleta.
Simmobra pay ti agarup P50 milyon a threshold para iti kaso a plunder iti babaen ti Republic Act 7080.
