LAOAG CITY – Panawagan dagiti nagduduma a grupo ti Marcos Resign movement, Masada, Bangon Sambayanan, One Bangsamoro Movement ken United Taxpayers Against Crime, ti ”Marcos Resign” kagiddan ti umuna nga aldaw ti tignay protesta iti transparency and accountability ti Iglesia ni Cristo (INC).
Iggem dagiti grupo ti placard nga adda ti nakasurat a pagsungbaten dagiti agtatakaw para iti panagkaykaysa ken kinakappia.
Daytoy a tignay ket kalpasan ti inbutaktak ni dati nga Ako Bicol Party-List Representative Elizaldy ”Zaldy” Co iti maipagarup a P100 billion budget insertions kadagiti imprastruktura ti gobierno partikular ti anomalya iti flood control projects.
Inbatad ti dati a political adviser ni dati a Presidente Rodrigo Duterte a ni Jacinto Paras, “caught in the act” ni Presidente Ferdinand Marcos Jr. karaman ni Co a kakunsabo kadagiti maanomalya iti gobierno.
Kabayatanna, iti panawagan met nga agikkat iti puesto ni Vice President Sara Duterte, inpetteng ni Paras a dagiti laeng “dilawan” ken dagiti ”komusnista” ti maipagarup nga akin-aramid daytoy.
