LAOAG CITY – Patien ni Vice Governor Matthew Marcos Manotoc a ti pannaka-revisit ti Epira Law ditoy pagilyan ket saan a nalaka.
Inbatad na a nabayagen daytoy ngem iti pagilyan ket umabot iti dekada sakbay a maamendaran dagiti linteg a maipatpatungpal.
Segun kenni Manotoc, masapol a maadal a nasayaat daytoy nga addang.
Nupay kasta, inbatad na a masapol a makita ti implementasyon ti linteg para iti nabbaba pay a presyo ti kuryente ditoy probinsya ken iti sibubukel a pagilya.
Kunana a nasken a ti lokal a komunidad ti direkta a mabenipisyaran iti daytoy.
Innayon na a kayat ti Department of Energy a maamendaran daytoy ngem ti laeng problema ket ti pannakaipatungpal na.
Namunganay ti komento ti bise gobernador kalpasan ti rakurak ni Ilocos Norte Electric Cooperative Asst. General Manager Perry Martinez iti panagkalikagom da a maipababa pay ti presyo ti kuryente ditoy probinsya.
