LAOAG CITY – Inrakurak ni dati nga Executive Secretary Lucas Bersamin ti dakkel a “mismatch” iti anunsio ti Palasyo idi Lunes mainaig iti maipagarup a panagikkatna iti puesto.
Inlawlawagna a saan daytoy a nag-resign ken maysa a nasinged a pagayam laeng ti timmawag tapno ipakaammo a kasapulannan a tumalaw kas Executive Secretary.
Maisupadi daytoy ti anunsio ti Presidential Communications Office a nangisubmitir isuna ti resignation ken ni Presidente Ferdinand Marcos Jr.
Naammoan a ti laeng dokumento a pinirmaanna ket maysa a surat a mangak-akseptar iti prerogatibo ti Presidente a sukatan isuna a pinirmaanna laeng idi malem ti Martes.
Kunana nga immuna pay ti anunsio ngem aniaman a pirma isu nga isuna mismo ti naudi a nakaammo ti bukudna a panaglusulos.
Kinumpirmaran pay ti dati nga opisial a nakasaritana ni Presidente Marcos kalpasan a rimmuar ti anunsio ngem saanna nga inbuksilan pay ti nagbalin a saritaanda gapu ta sakup daytoy iti confidentiality.
