LAOAG CITY – Naimpound ti maysa nga heavy equipment kalpasan a naduktalan a nangiyuswat ti iligal a panag-quarry iti ili ti Banna.
Segun iti Philippine National Police – Banna, ti driver ket agtawen ti 42, naasawaan ken residente iti nasao nga ili ken inmaneho na ti Izusu forward dump truck nga addaan ti plate number a NBA 7097; sabali pay ti agtawen ti 45 ken isu et ti operator ti pay loader.
Gapo iti daytoy, naisyuan dagitoy ti citation ticket gapo iti panaglabsing da iti Provincial Ordinance 037-2023 partikular iti No Permit.
Inbatad ti pulisya a dagiti equipment ket naipakustudiyar kadakuada.
Ummuna iti daytoy, adda ti pammilin ni Police Col. Joemar Labiano, ti Provincial Director ti Ilocos Norte Police Provincial Office (INPPO) a mapaigetan ti panagmonitor ti panag-quarry gapo ta arig na maab-abuso daytoy.
