LAOAG CITY – Kiniddaw ti gobierno ti Pilipinas iti International Criminal Police Organization (Interpol) a mangisyu ti red notice kontra ken ni dati a presidential spokesperson Harry Roque para iti maipagarop a qualified human trafficking.
Daytoy ket basar ken ni Winston Casio, ti pannakangiwat ti Presidential Anti-Organized Crime Commission (PAOCC).
Maipalagip nga idi Mayo ita a tawen ket naiparuk-at ti warrants of arrest kontra kada Roque, Lucky South 99 representative Cassandra Ong, ken 48 a sabsabali pay para iti qualified human trafficking mainig iti scam hub a patpatarayen ti Philippine Offshore Gaming Operator (POGO) firm Lucky South 99 idiay Porac, Pampanga.
Segun iti Presidential Anti-Organized Crime Commission, nadiskubre da dagiti ebidensya a kidnapping, sex trafficking ken torture iti mismo a lugar no sadinno a naisalakan dagiti otoridad ti agarop 158 a foreign employees, ngem naglikudan ti Lucky South 99 dagiti alegasyon.
Naakusaran ni Roque a timmulong iti panangala ti lisensya para iti operasyon ti POGO hub ken nabigbig pay kas mangidaulo iti legal department ti Lucky South 99, ngem naglikudan ti Philippine Amusement and Gaming Corporation.
Naiget a naglikudan amin ni Roque dagiti alegasyon kenkuana no sadinno nga inpetteng na a kaanuman ket saan pulos a nagserbi kas legal counsel ti aniaman nga illegal POGO, karaman ditoyen ti Lucky South 99.
Ni Roque ket agdama nga agkikiddaw ti asylum idiay Netherlands.
