LAOAG CITY – Nominado ni Alex Eala para iti Most Improved Player award iti 2026 Women’s Tennis Association (WTA) Player Award, basar iti anunsio ti WTA idi Nobiembre 20.

Malaksid ken ni Eala, nominado pay iti nadakamat a kategoria da Marta Kostyuk, Iva Jovic, Diana Shnaider, ken Sorana Cirstea.

Maipalagip a nangabak ni Eala ti umuna a WTA Title na iti DC Open idi Agosto ken nagun-ad na ti maysa a WTA 125 title iti Birmingham idi Hunio.

Kinabaelan na pay a simrek iti finals iti Hong Kong Open iti kallabes.

Iti Grand Slams, naartapan ni Eala ti 4th round ti Wimbledon ken 3rd round iti US Open.

Ti Filipina tennis star ket nangrugi kas No. 50 iti panagrugi iti tawen ken ngimmato daytoy iti career-high ranking a No. 15.

Kabayatanna, ti sabali pay nga award nga ipresentar ket Player of the Year, Doubles Team of the Year, Newcomer of the Year ken Comeback Player of the Year.

Kabayatanna, ti WTA Player Awards ket botosan laeng dagiti kameng ti media.