LAOAG CITY – Inpakaammo ni City Treasurer Loelyn Acain a naipaaydan kadagiti permanente nga empleado iti lokal a gobierno ditoy siudad ti Laoag ti year-end bonus ken cash gift-da.

Segun ken Acain, naipaayen ti year-end bonus dagiti empleado a katukad ti maysa a bolan a sueldoda, pakairamanan ti ₱5,000 a cash gift.

Inlawlawagna a dagiti permanente laeng nga empleado iti lokal a gobierno ti kwalipikado a makaawat kadagitoy a benepisio.

Malaksid kadagiti permanente nga empleado, makaawat pay dagiti Contract of Service (COS) ken Job Order (JO) ti gratuity pay.

Innayon ni Acain a masapol pay a mauray ti pannakaaprubar ti Administrative Order sakbay a maipatungpal ti pannakaipaay ti gratuity pay kadakuada, gaputa masapulda nga umuna ti legal a pagibasaran sakbay daytoy a maipaay kadakuada.