LAOAG CITY – Naarestaren ti National Bureau of Investigation (NBI) ti maysa kadagiti karaman iti maanomalya a flood control projects nga inisyoan ti Sandiganbayan ti warrant of arrests.
Segun ken ni NBI Officer-in-Charge ken Director Atty. Angelito Magno, saan a nadanun dagiti personnel da ti akusado a ni Anthony Ngo, maysa kadagiti Board of Directors ti Sunwest Corporation, iti balay na iti Cavite ngem natunton ken naarestar da daytoy iti Rolling hills, New Manila iti Quezon City.
Basar met iti Quezon City Police District (QCPD), immunan a nangiserbi kadagiti warrant of arrest ti pulisya iti panangidaulo ti Criminal Investigation and Detection Group (DICG) Unit ti Philippine National Police (PNP) ngem awan dagiti nadanun da a personalidad kadagiti immuna nga attempts ti pulisya.
Kabayatanna, malaksid ken ni Ngo, binisita binisita metten ti QCPD ken ti Kamuning Police Station dagiti lokasyon da alyas Lerma Cayco ken Timojen Sacar iti South Triangle nga agpada nga accountact iti Department of Public Works and Highways (DPWH) MIMAROPA Regional Office.
Inpasigurado ti QCPD nga ad-adda pay a paigetan da dagiti follow-up operations ken manhunt efforts tapno maarestar dagiti adda iti listaan a naiyisoan ti warrant of arrests.
