LAOAG CITY – Naobserbaran ni Sanguninag Panglusod Member Jason Perera a naruay kayo ti nagtubo iti uneg ti bell tower ditoy ciudad ti Laoag.
Kunana a no old building kangrunanan no adda ti historical value na kas iti bell tower ket saan kuma mabalin nga adda ti kayo iti uneg na pakairamanan iti abay na tapno saan a mangitunda iti pannakaperdi na.
Inbatadna a basar iti pannakisarsita na kadagiti tricycle drivers a nakapila iti mismo asideg ti bell tower ket adda pay ti gundaway a nagtennag ti semento na isut gapuna a maamak pay dagitoyen nga agpwesto iti batog na.
Segun kenni Perera a kasapolan nga adda ti aramiden ti lokal a gobierno ditoy cuidad ti Laoag simbaan wenno ti gobierno probinsial tapno mapagtalinaed ti importansia wenno value na ken tapno masigurado iti pannakamentinarna.
Kabayatanna, inbilin ni Vice Mayor Rey Carlos Farinas ti panagsurat iti konseho iti Diocese of Laoag tapno maipakaamo daytoy ken no masapol da ti tulong ket sidaddan ti lokal a gobierno.
