LAOAG CITY – Inpakammo ni Ms. Susan Gagarin, ti mangidadaulo ti Land Transportation Office (LTO) ditoy ciudad ti Laoag nga awan pay ti naawat da a memorandum mainaig iti pannakaipawil ti panagdalyasat dagiti electric bike iti national highway.
Segun kenni Gagarin, no adda ti mandato ti higher office kadakuada ket ipatungpal da ditoy probinsya.
Kunana a daytoy ket agserbi a pammalagip kadagiti agiturturong ti electric bike a masapol a disiplinaen da ti panagmaneho da.
Inlawlawag na a nakalainad iti linteg a masapol a suruten dagitoy ti slow moving vehicles wenno iti outer most lane ti pagnaan da.
Maipalagip nga intono Enero 2, 2026 ket mangrugi ti pannaka-impound dagiti electric vehicles nga aglabsing iti daytoy.
