LAOAG CITY – Naiyalokaran ti pondo para iti tawen 2026 iti panakaikabil ti silaw dagiti sumagmamano a kadakkelan a kalsada ditoy ciudad.
Daytoy ti inpakaammo ni Mayor James Bryan Alcid.
Kunana a kangrunaan nga pinondoan da ket iti Bacarra road, Rizal St. ken Airport Avenue.
Inbatad na a bassit laeng ti pondo ti city government isu nga inisyal a pondo ti inyalokar da.
Segun kenni Alcid, no saan a makaanay daytoy ket aramiden da a tallo a tawen tapno maileppas daytoy a proyekto.
Inlawlawag na pay a ti aramiden da ket ti “section by section” tapno napinpintas ti panakaestablisar dagiti silaw ditoy ciudad.
maipalagip nga immunan a nangiwayat ti inspeksyon ti Mayor iti sentro kadua na dagiti dadduma pay a mangidadaulo ti pangopisinaan ditoy ciudad tapno makita dagiti nalilidem a paset gapo ta kalikagom ti administrasyon na a maparanyag ti nagduduma a paset ti ciudad.
