LAOAG CITY – Nagtennag iti riribuk ti parliament ti Albania kalpasan ti panagginnura iti oath-taking ti baro nga Ombudsman a ni Endri Shabani.
Basar iti maysa a video, makita a nagprotesta dagiti sumagmamano nga agpanpanday linteg ken nagsindi pay ti flares pakairamanan ti panangbakal ti papel ken bote kontra iti mangidadaulo ti mayorya a Socialist Party.
Naammoan a nangrugi ti tension mainaig iti kontrobersial a pannakaelektar ni Shabani nga arig agpapada a Socialist Party laeng ti simmuporta.
Ad-adda pay a bimmara ti tension gapu kadagiti agdama nga imbestigasion iti maanomalya pakairamanan ti kaso kontra ken ni Deputy Prime Minister Belinda Balluku a maak-akusaran iti panangabuso iti bileg mainaig kadagiti infrastructure projects.
Naglikudan ni Balluku dagiti pammabasol a suportado met ni Prime Minister Edi Rama.
Kagiddan iti daytoy, im-imbestigaran pay ti maipagarup a manipulasion kadagiti kontrata iti National Agency of Information (AKSHI) no sadinno dua nga opisial ti inkabil iti house arrest.
