LAOAG CITY – Nakairekord ti New Ninoy Aquino International Airport Infra Corp. (NNIC) ti kadakkelan a bilang dagiti pasahero iti Ninoy Aquino International Airport terminals idi Sabado, Disiembre 20.
Iti datos ti New Ninoy Aquino International Airport Infra Corp., dumanon iti 171,306 a pasahero ti simmangpet iti Ninoy Aquino International Airport idi Sabado.
Daytoy ket kangatoan a bilang ti volume a nairekord iti Ninoy Aquino International Airport iti pakasaritaan ti eropuerto.
Inpasigurado ti New Ninoy Aquino International Airport Infra Corp. nga agtultuloy ti pannakikoordinarda kadagiti ahensia ti gobierno nga agop-operar ti Ninoy Aquino International Airport (NAIA) tapno mapaalisto ti pannakaiproseso kadagiti pasahero.
Kabayatanna, tuttutukan pay ti New Ninoy Aquino International Airport Infra Corp. airside operations teams ti pannakaiyurnos iti aircraft movements ken gate utilization iti sangoanan kadagiti agsasaruno a panag-landing ken panag- take off dagiti eroplano.
