LAOAG CITY – Naisayangkat ti open carolling iti Brgy. Gabut Norte iti ili ti Badoc partikular iti pagtaengan ni Mayor Virgilio Calajate.
Daytoy ket tinawen a tradisyon ti pamilya Prieto-Calajate kas panangipalagip ti pudno nga anag ti Paskua.
Segun iti pamilya Calajate, babaen dagiti kanta nga inburay dagiti tattao ket mariknada ti espirito ti paskua.
Para kadakwada ti paskua ket panagiburay, kinasayaat ken pannakipagkaykaysa iti tunggal mayaa.
Mainaig iti daytoy ti sibubukel a pamilya Calajate, pakairamanan ni Mayor Virgilio Calajate, Mrs. Josephine prieto Calajate, Mr. Joseph Vergel Calajate, INEC Director Vanessa Calajate ken dagiti dua nga annakda a da Jorgeane Verena Calajate and Jover Vansen Calajate ket napalaos ti panagyamanda kadagiti amin a timmulong iti daytoy nga open caroling iti barangay da.
