LAOAG CITY – Nairekord ti Ninoy Aquino International Airport (NAIA) ti kangatoan nga annual passenger traffic iti 2025 nga addaan ti 52.02 million a pasahero.
Daytoy ket basar iti report ti New Ninoy Aquino International Airport Infra Corporation (NNIC).
Basar iti New Ninoy Aquino International Airport Infra Corporation, ti bolan ti disyembre ti maibilang kas “busiest month” para iti pakasaritaan ti nasao nga erupuerto gapu iti nairekord a 4.86 a milyon a pasahero no sadinno a 2.367 milyon ditoy ket international travellers.
Inbatad ti New Ninoy Aquino International Airport Infra Corporation a ti operasyon ti erupuerto ket nagtalinaed nga stable kabayatan ti peak travel periods.
Iti babaen ti public-private partnership, ti New Ninoy Aquino International Airport Infra Corporation ti responsable para iti operasyon, maintenance, ken modernization ti Ninoy Aquino International Airport idinto a nagtalinaed a kukua daytoy ti gobierno.
