LAOAG CITY – Naiget a naglikudan dagiti opisial ti Ninoy Aquino International Airport (NAIA) ti agwarwaras a sayangguseng a nagturong idiay Singapore ni dati nga House Speaker ken agdama a Leyte Representative Ferdinand Martin Romualdez.
Inbatad ni Immigration Spokesperson Dana Sandoval, awan ti nairekord nga aniaman a pananggandat a timmalaw ni Romualdez manipud ditoy pagilian.
Kuna ti maysa nga intelligence official, insigida a maammoanda no adda ti timmalaw a napasamak aglalo kadagiti special flights.
Immunan a kiniddaw ti dati nga House leader nga agbiahe daytoy nga agturong iti Singapore para iti pending check-up.
Naammoan a gapu ta daytoy ket pakaseknan iti salun-at ken awan met ti sesyon ket pinalubosan daytoy ni Speaker Bojie Dy.
Nupay kasta, gapu kadagiti baro a panagbalbaliw ti panagkalikagum a mapagtalinaed pay laeng nga umuna ditoy pagilian ni Romualdez tapno masigurado a makaatendar daytoy kadagiti panagpaayab ti Ombudsman ken korte no mangrugin ti panangtingiting ti kaso.
