LAOAG CITY – Ad-adda pay a kimmaro ti tignay protesta idiay Estados Unidos kontra iti Immigration and Customs Enforcement (ICE) kalpasan ti pannakatay ti maysa a babai iti Minneapolis.
Kiniddaw dagiti mangiwaywayat ti tignay protesta nga ikkaten ti federal immigration authorities iti komunidadda.
Addan ti sumurok maysa a ribu ti nakipaseten iti tignay protesta manipud iti New York, Washington DC, El Paso ken Boston.
Nagusar ti pepper spray dagiti otoridad kontra kadagiti mangiwaywayat ti tignay protesta a nanggandat nga umasideg iti opisina ti Immigration and Customs Enforcement.
Mainaig iti daytoy, inbatad ni Homeland Security Secretary Kristi Noem a gapu iti insidente ket ad-adda a ninayonanda ti bilang dagiti Customs and Border Patrol Officers a naipatulod iti Minneapolis.
Maipalagip a pinaltogan agingga a natay ti biktima a ni Renee Good idi sadaen ti Immigration and Customs Enforcement officers no sadinno a ti takder ti White House ket maipagarup a ginandat a dungparen ti biktima dagiti otoridad.
