LAOAG CITY – Plano ti liderato ti National Unity Party (NUP) nga agpila ti baro a legal action kontra ken ni Cavite Rep. Kiko Barzaga mainaig iti akusasyon ti agpanpanday linteg a maipagarop a nakaawat ti masuksuk ti sumagmamano nga agpanpanday linteg tapno suportaran ni dati nga House Speaker Martin Romualdez.
Iti maysa nga statement, inawagan ni Deputy Speaker ken Antipolo Rep. Ronaldo Puno, nga agserserbi a chairman ti partido, ti akusasyon kas awan ti pagibasaran na ken malisyoso, ken inpetteng na nga awan ti kalaban ni Romualdez para iti speakership iti panangrugi ti 20th Congress intono Hulyo.
Innayon ti agpanpanday linteg nga agaramid met ti legal nga addang ti dadduma pay a partido a nainaganan wenno nairaman.
Maipalagip nga immunan nga inrakurak ni Barzaga, a dati metlaeng a miyembro ti National Unity Party, iti post online ken public statements na a dagiti kakadwa na iti Partido kee maipagarop a nakaawat ti pasuksuk manipod iti negosyante a ni Enrique Razon kasukat ti panangsuporta da ken ni Romualdez idi kangitingitan ti House speakership race iti napalabas a tawen.
