LAOAG CITY – Kinasoan ti United States state of Minnesota ken Illinois ni United States President Donald Trump kas paset ti pananglapped iti panagwaras ti federal immigration agents iti lugar.
Ti nasao a panangipila ti kaso ket kagiddan ti pannakatay ti agtawen ti 37 a babai a ni Renee Good a pinaltu-paltogan ti Immigration Custom Enforcement (ICE) agents.
Kiniddawda iti federal court nga ideklarar nga iligal ti panangiwaras ti Immigration Custom Enforcement agents.
Maipalagip a nangrugi ti tignay protesta kadagiti nagduduma a paset ti Estados Unidos kas panangkondenar iti panangpapatay ken ni Good.
Kumpiansa ti kampo ni Trump a maipangabakda ti nasao a kaso no sadinno nga inbatad ni White House Border Czar Tom Homan nga ipatpatungpalda laeng ti linteg nga inaprobaran ti Kongreso.
Kabayatanna, inpetteng ni Trump a nayonanda pay ti bilang dagiti Immigration Custom Enforcement agents nga iwaras kadagiti lugar.
