LAOAG CITY – Immapela ti South Korean prosecutors a mapatawan ti dusa a patay ni dati a South Korean President Yoon Suk-yeol mainaig iti apagbiit ken napaay a panangideklarar na ti martial law idi Disyembre 2024.
Idi laeng martes ket nalpasen ti criminal trial ni Yoon a nagpaot ti 11 nga oras para iti insurrection, abuse of power ken dagiti dadduma pay a panaglabsing iti deklarasyon na.
Iti closing remarks, inakusaran ti prosecutors ni Yoon ti panagbalin a ringleader ti “insurrection” a nangitunda iti panagbalin a gamrud iti turay para iti dictatorship ken nabayag a panangidaulo.
Inkurasan pay ti prosekusyon ni Yoon a maipagarop a saan a nangipakita ti panagbabawi kadagiti nagbalin nga addang na a nangikabil iti pangta ti constitutional order ken demokrasiya, no sadinno a ti kangrunaan a biktima ti insurrection ket dagiti umili iti South Korea.
Mainaig iti daytoy, inpetteng ti prosekusyon nga awan ti mitigating circumstances ti maikonsiderar iti panangsentensya ti dati a presidente ken imbes ket masapol a panatawan ti nadagsen a pannusa.
Inkalintegan met ti dati a South Korean President ti bagi na ken nagtalinaed ti takder na nga inaramid na laeng ti lawful authority na kas president ken ti inaramid na ket saan a maysa a military dictatorship tapno lapdan dagiti umili no di ket tapno protehiran ti panagwaywayas ken soberenia ti pagilian da ken biagen ti constitutional order.
Naikeddeng a maiparuk-at ti sentensya ti korte iti kaso ni Yoon intono Pebrero 19 ti agdama a tawen.
