LAOAG CITY – Nagpanawagan ni Senador Kiko Pangilinan iti senate leadership a rugianen “ASAP” wenno insigida ti panagdengngeg iti gakat nga Anti-Dynasty Bill.
Inbatadna a ti Anti-Political Dynasty Law ket karaman iti priority bills ti administrasion Marcos ita a tawen.
Inpettengna nga agarup uppat a dekadan ti 1987 Constitution ngem agtultuloy a saan nga ikankano ti nalawag a pammilin a maipawil ti political dynasty.
Inlawlawagna nga ita a prioridad daytoy ti gobierno ken dadduma pay a gakat ket nasken nga awanen ti rason tapno pagbalin daytoy a naan-anay a linteg.
Kunana a panawenen tapno paneknekan ti Senado a no seryoso nga aramiden a nadur-as ti pagilian ket nasken a ti sumaruno nga agbalin a Presidente ket saan a karaman ti political dynasty.
Mamati ti Senador a no awan ti political dynasty ket saan nga agrigat ti Pilipinas.
