LAOAG CITY – Inpasa ti Sang Panlungsod ti resolusyon a mangkiddaw kadagiti pasdek negosyo nga addaan ti nasursurok ngem 10 nga empleado nga agparehistro iti Public Employment Service Office ditoy ciudad ti Laoag ken makipaset ti nagduduma nga aktibidad nga isayangkat ti nasao nga opisina.
Ti nasao a resolusyon ket indasar ni Liga ng mga Barangay President Rbee Ablan ditoy ciudad ti Laoag.
Mamati ni Ablan a babaen iti nasao a resolusyon ket mtulungan dagiti nagduduma a pasdek negosyo aglalo iti panagsapol kadagiti kwalipikado nga empleado.
Inlawlawag ni Ablan a naestablisar ti Public Employment Service Office tapno tumulong a mangarisit a libre kadagiti aplikante ken mangtulong kadagiti residente ditoy ciudad para iti alisto a pannakabiruk da ti trabaho.
Innayon na a naipalaon pay iti resolusyon ti pannakaipasigurado a dagiti empleado ket maipapaayan ti umno a benepisyo.
