LAOAG CITY – Inrakurak ni United States President Donald Trump nga ag-de-escalate daytoy kalpasan ti pammaltog iti Minnesota.
Inladawan ni Trump ti bagina kas saan a maysa a pullback no diket maysa a bassit a panagbalbaliw.
Inbatadna a ti panangpapatay kada Renee Good ken Alex Pretti ket nakaam-ames a pasamak ngem inpettengna a ni Good ket posible a “radicalized.”
Mainaig iti daytoy, nagpangta dagiti lider ti Democratic House nga i-impeach ni Homeland Security Secretary Kristi Noem gapu iti immigration crackdown no saan nga inikkat isuna ni Trump.
Naammoan a ti “border tsar” ni Trump a ni Tom Homan ket simmangpeten iti Minneapolis tapno alaen dagiti on-the-ground nga operasion.
Immuna iti daytoy, inbilin ti maysa nga hues iti Minnesota ni acting Immigration and Customs Enforcement director Todd Lyons a sumango iti korte inton Biernes a mangibagbaga a naisangsangayan dagiti panaglabsing ti ahensia kadagiti pammilin ti korte.
