LAOAG CITY – Inpetteng ni Manila 2nd District Rep. Rolando Valeriano a maminsan manen a patawan ti pannakasuspenso ni Cavite 4th district Rep. Kiko Barzaga tapno masuroan ti umiso nga adal.
Iti privilege speech-na iti plenary session ti Kamara ket inrakurak ni Valeriano ti agtultuloy a panag-post iti social media ni Barzaga ti pammerdi ken pananginsulto kadagiti sumagmamano nga agpanpanday linteg kabayatan nga 60 nga aldaw a nakasuspenso.
Gapu iti daytoy, inlungalong ni 1-Rider Party-list Rep. Rodge Gutierrez a maminsan manen a mangisayangkat ti panagdengngeg ti House Committee on Ethics and Privileges tapno paayaban ni Barzaga ken i-assess dagiti ar-aramidenna kabayatan a nakasuspenso daytoy.
Ti motion ni Gutierez ket inaprobaran met iti plenario ti Kamara.
