LAOAG CITY – Naiget a naglikudan ni Manila 2nd District Rep. Rolando Valeriano ti alegasyon ni Davao City Rep. Paolo “Polong” Duterte a dagiti kongresista a nagbotos pabor iti impeachment kontra ken ni Vice President Sara Duterte ket maipagarop a napasuksukan wenno nabutbuteng.
Inpetteng ni Valeriano, a no pudno man ti alegasyon ket masapol a mangiparul-at ti nalawag nga ebidensya ni Rep. Duterte tapno paneknekan dagiti rakurak na.
Innayon ni Valeriano a nakakaskasdaaw a ni Rep. Duterte laeng ti naringgor iti isyu, idinto a dagiti dadduma nga agpanpanday linteg a kaalyado ti administrasyong Duterte ket karaman met kadagiti nairanud kadagiti proyekto.
Kas kabsat ti kalikagom a ma-impeach a bise presidente, saan a maikkat iti idea a ti addang ni Rep. Duterte ket pangikalintegan na laeng iti interes ti kabsat na.
Iti baet dagiti akusasyon, nagtalinaed ti takder ni Valeriano a ti botos dagiti kongresista ket naibasar iti ebidensiya ken iti trabaho da a pagsungbaten ti siasinno man nga opisyal a manglablabsing iti linteg.
Inpaganetget na pay a dagiti proyekto ket saan a reward, ni di ket obligasyon nga ipatungpal.
