LAOAG CITY – Kalikagom ti lokal a gobierno iti ili ti Nueva Era nga umado pay dagiti turista a mapan bumisbisita iti nasao nga ili.
Segun ken ni Mayor Aldrin Garvida iti ili ti Nueva Era, napintas no adda ti maysa a programa a maaramid babaen ti Provincial Tourism Office kas iti tour packges a nakaipalaonan ti nagduduma a tourist spots a pagpasyaran dagiti turista iti southern, central, eastern, northern ken dadduma pay a paset ditoy probinsia.
Patien na a rumbeng nga awan ti mabati aglalo kadakwada nga adayo a lugar ditoy Ilocos Norte gapo ta ado dagiti mabalin da nga ipanakkel iti benneg ti turismo.
Inpakaammo ni Mayor Garvida nga ado dagiti mabalin da nga idiaya kadagiti turista kas ti cultural show, panagpasyar iti Eco Park, nagduduma a delicacies ken dadduma pay.
Innayon na a no umado dagiti turista a mapan agpasyar iti ili da ket manayunan ti pamastrekan ti lokal a gobierno.
