LAOAG CITY – Nagsentro ti maikadua nga aldaw ti confirmation of charges hearing ni dati a Presidente Rodrigo Duterte idiay The Hague, Netherlands ti “Project Double Barrel” a pakairamanan ti Oplan High Value Target ken Oplan Tokhang.
Ti maibilang a kababaan ket ti Level 1 a pakairamanan dagiti street-level pusher idinto a Level 5 ti kangatoan kas kadagiti high-ranking official nga adda pakainaigan na iti illegal a droga.
Karaman iti Level 5 dagiti 2 a dati a mayor a da Ozamiz City Mayor Reynaldo Parojinog Sr. ken ni Albuera, Leyte Mayor Rolando Rosal Espinosa Sr., a napapatay iti operasion.
Nadakamat pay ni Raul Yap, a nakalista kas maysa a drug lord.
