LAOAG CITY – Nakasaganan ti House Committee on Justice para iti inisyal a panangtalantan kadagiti impeachment complaints kontra ken ni Vice President Sara Duterte.
Iti notice of meeting nga inpatulod ni Justice Panel chairperson Gerville Luistro kadagiti miembro ti komite ken endorsers a kongresista, maiwayat ti panagdengngeg inton Marso 2, 3 ken 4 iti People’s Center ti Kamara de Representantes.
Mainaig iti daytoy, uppat ti reklamo nga impeachment a sangsangoen ni Vice President Duterte iti Kamara de Representantes.
Karaman kadagiti alegasion ti maipagarup a saan nga umno a panagusar ti P612 million confidential ken intelligence funds; kwestionable a baknang ken ti rakurak a no bilang adda ti mapasamak kenkuana ket addan ti kinasaritana a tao a maipagarup a mangpapatay kada Presidente Ferdinand Marcos Jr. ken dadduma pay.
Nairaman met iti complaint ti pammabasol ni Ramil Madriaga, maipagarup a bagman ni Vice President Duterte a maipagarup nga immawat ti Bise Presidente ti kuarta manipud iti sindikato ti ilegal a droga ken Philippine Offshore Gaming Operators.
