LAOAG CITY – Inrakurak ti Social Security System (SSS) nga umawat dagiti amin a pensioners ti nayon a 10% a panagngato iti monthly retirement ken disability pension dagitoy mangrugi inton Setiembre 2026.
Iti babaen ti three-year pension reform program, makaawat ti nayon a pension dagiti miembro daytoy iti kada Setiembre para iti tawen 2025 agingga iti 2027.
Malaksid iti daytoy, inbatad ni Social Security System President Robert Joseph de Claro nga addaan ti 5% increase met iti death ken survivor pension ita a tawen.
Inlawlawag ni de Claro nga awan ti panagngato iti kontribusion dagiti miembro daytoy agingga inton 2027.
Kunana a kalpasan ti maikatlo a tawen, dagiti pension ket nasken koma a ngumato ti sumurok-kumurang 33% para kadagiti retirement ken disability pensioners ken 16% iti death ken survivorship pensioners.
Umabot iti 3.9 million pensioners ti mabenepisiaran iti pension hike initiative.
