LAOAG CITY – Nangiyuswat ti Social Security System wenno SSS ti maysa a baro a digital microloan facility a mangipaay ti low-interest, short-term credit kadagiti maitutup a mangmangged.
Daytoy ket inanunsio dagiti opisial idi Oktobre 2, 2026.
Ti “SSS LoanLite” program ket palubusanna dagiti kualipikado a miembro iti 12 monthly contributions a bumulod ti P1,000 agingga P20,000 nga immediate cash needs.
Segun ken ni SSS President ken Chief Executive Officer Robert Joseph de Claro a daytoy nga inisiatibo ket kalikagumna a mangipaay kadagiti miembro ti accessible, secure ken affordable a financial relief.
Dagiti bumulod ket makapili ti repayment terms iti 15, 30, 60, wenno 90 nga aldaw.
Addaan ti microloan ti interest rate ti eight percent per annum, katukad iti mapatta-patta 0.67 percent iti kada bulan.
Kabayatanna, masapul dagiti aplikante, pakairamanan ti employed, self-employed, voluntary, and overseas Filipino workers, nga agtawen ti 18 agingga 64, awan past-due iti SSS loans ken awan active microloans wenno rekord ti fraud kontra iti ahensia. Idinto a dagiti existing borrowers nga adda good standing iti salary, calamity wenno emergency loans ket agtalinaed nga eligible.
Dagiti repayments ket otomatiko a makolektar babaen iti auto-debit arrangements a nai-link iti bank account iti miembro.
