LAOAG CITY – Nakaiparuk-at ti Social Security System (SSS) ti agarop P170-bilyon a loan para kadagiti miembro ti ahensya.
Inlawlawag ni Social Security System President ken Chief Executive Officer Robert Joseph Montes de Claro nga agtalinaed a nasayaat ti portfolio iti uneg ti limitasion ti panagpautang ti ahensia, para iti ad-adda pay a pannakaipalawa dagiti programa iti panagpautang.
Ti Social Security System ket addaan ti limitasyon iti panagpautang no sadinno ket kaibatugan daytoy ti 25 a porsiento ti Investment Reserve Fund a mapatt-patta nga umabot iti P1.5 trillion iti panagngudo ti agdama a tawen 2026.
Innayon na a maikkan met ti pension fund ti agarop P300 billion a maipautang kadagiti miembro ti ahensya.
