LAOAG CITY – Natay ti Armed Forces chief of staff a ni Abdolrahim Mousavi, karaman ti sumagmamano a nangangato nga opisyal ti militar kalpasan ti iraraot ti Estados Unidos ken Israel kontra iti Iran.
Basar iti inparuk-at a listaan ti state TV, karaman pay kadagiti maipagarop a pimmusay da Defense Minister Aziz Nasirzadeh, Revolutionary Guards chief, Mohammad Pakpour, ken defense head Ali Shamkhani.
Iti report, napasamak dagiti strike kabayatan a maisaysayangkat ti “defense council meeting” kontra iti panagatake ti Estados Unidos ken Israel.
Kabayatanna, iti nagsina met nga airstrike, pimmusay ti Police intelligence chief ti Iran s ni Gholamreza Rezaian.
Kalpasan iti daytoy, nangiyuswat ti Iran ti baro a bansada ti missile ken drone attacks a mangpunpuntirya kadagiti military base ti Estados Unidos iti rehioyn ken iti Israel no sadinno a maysa daytoy kadagiti maipagarop nga addang a panagibales iti nalawa a panagatake ti dua a pagilian a nakatayan ti supreme leader.
