LAOAG CITY – Adu ti nasursuro a mabalin nga itugot ti Gilas Pilipinas para iti window ti FIBA World Cup Asian Qualifiers.
Daytoy ket kalpasan a nagsaruno nga inabak isuda ti New Zealand ken Australia kadagiti aay-ayam a naisayangkat ditoy Pilipinas.
Inbatad ni Gilas head coach Tim Cone a nakalidliday ti nasao a pannakaabakda gapu ta mismo nga homecourt-da nga inabak isuda ti visiting team.
Nupay kasta, kalikagumda iti panagbalbaliw inton bulan ti Hulio.
Inadmitir daytoy nga agbalin a dakkel a karit para kadakuada ti ay-ayam inton Hulio gapu iti court ti New Zealand ken Australia ti pakaangayan ti nasao nga ay-ayam.
Iti agdama, ad-adalen a naimbag ni Cone ti sumagmamano nga addang tapno maaddaan ti natibtibker nga umaayam kontra kadagiti maseknan a koponan.
