LAOAG CITY – Nagpanawagan ni Gilas Pilipinas head coach Tim Cone a saan nga ibunton ti pungtot kadagiti players na kalpasan ti pannakaabak da iti laban kontra iti China iti iskor nga 105-61 iti 20th Asian Games.
Gapu iti nasao a pannakaabak ket naan-anay a naregreg ti Pilipinas iti Asian Games.
Inbatad ti beterano a coach nga inaramid amin dagiti players na ti kabaelan da tapno agballigi iti ay-ayam.
Dinayaw na met dagiti players na gapu ta immanamong da nga ibagian ti pagilian uray adda laeng ti limitado nga oras.
Inyarigna ni Calvin Oftana a nangkumpleto iti 12-man line up ti Gilas kasukat ti naturalized player a ni Justin Brownlee nga agpapaimbag iti injury.
