LAOAG CITY – Nagpalagip ti Armed Forces of the Philippines (AFP) kadagiti foreign nationals a masapol a mangala da nga umuna ti clearance sakbay a sumrek kadagiti military camps, pakairamanan ti recreational areas kas ti Camp Aguinaldo Golf Course.
Nangiparuk-at ti Armed Forces of the Philippines iti statement kalpasan nga ado dagiti nangilungalong iti a masapol a mapawilan dagiti Chinese nationals a mapan agay-ayam iti golf course.
Inlawlawag ti military nga awan ti aniaman a puli ti mapawilan a sumrek iti military recreational facilities, ngem masapol nga amin dagiti bisita a gangannaet, pakairamanan dagiti Chinese nationals, ket rumbeng a mangala ti umiso a visit clearance kas naipalaon iti agdadama pagannurutan ti Armed Forces of the Philippines.
Innayon ti Armed Forces of the Philippines a masapol nga amin dagiti gangnnaet nga agkalikagom a sumrek iti camp facilities ket agtungpal iti agdama a visit clearance policies, no sadinno nga ad-adda pay a napaigetan ti pannakaipatungpal na iti golf course.
Inkalintegan ti Armed Forces of the Philippines a ti nasao nga addang ket paset ti internal security protocols iti uneg ti military camps ken gagem na a masigurado ti seguridad ken integridad ti AFP installations.
