LAOAG CITY – Inallukoy ni Senate President Tito Sotto III dagiti maseknan nga ahensia ken otoridad a kitaen ken pagsungbaten dagiti kompania ti langis nga ita pay laeng ket umab-abuson iti panagngato ti presio dagiti produkto a petrolyo.
Inbatadna nga addan dagiti sumagmamano nga oil companies ti nangipataw ti nangato a presio ti langis ken dagiti produkto a petrolyo sipod iti napalabas a lawas ken gungundawayanda ti gubat idiay Middle East.
Inpettengna a ti kadagsenan ti amin ti panangabuso nga ar-aramiden ita ti sumagmamano nga adda iti oil industry gapu ta no arisiten ket saan met pay laeng nga agkasapulan wenno agkurkurang ti suplay ti pagilian.
Kunana nga agsagsagana ti gobierno para iti daytoy ken nakasagana ti kangatoan a pagpandayan linteg nga aramiden ti aniaman a mabalin nga itulong iti ehekutibo.
Kabayatanna, immunan nga inpasigurado ni Sotto nga ipangpangruna ti panangipaay ti emergency powers ken ni Presidente Ferdinand Marcos Jr. tapno makissayan ti excise tax iti langis.
