LAOAG CITY – Inlungalong ni Sen. Jinggoy Estrada ti pannakaipalawa iti unemployment benefits iti babaen ti Social Security System (SSS) para kadagiti Pilipino a mapukawan ti trabaho.
Iti gakat, sakupen daytoy dagiti mangmangged a mapukawan ti trabaho gapu iti layoff, retrenchment wenno panagserra ti kompania.
Karaman ditoy dagiti Overseas Filipino Workers (OFWs) a mapilitan nga agawid ditoy pagilian kalpasan a naapektaran ti trabahoda gapu iti rinnupak idiay Middle East.
Iti Senate Bill No. 1070, mailunglungalong ti pannakaipalawa ti unemployment benefits agingga iti lima a bulan manipud iti agdama a dua a bulan a katukad ti 50% ti average monthly salary credit ti miembro.
Ti gatad ti tulong a maawat dagiti miembro iti babaen ti gakat ket maibasar iti bilang ti tawen ti panagtennagda iti Social Security System.
Inlawlawag ni Estrada a ti nailungalong a cash aid ket saan a dawdawaten no diket maysa a klase ti proteksion kontra iti panagbisin ken kinarigat ti panagbiag kabayatan nga agbirbirok ti baro a trabaho dagiti mapukawan ti pagtrabahoan.
