LAOAG CITY – Inpawil ni Presidente Ferdinand Marcos Jr. ti panagsingir kadagiti estudiante kadagiti bayadan ken kontribusion ita a panawen ti graduation dagiti estudiante kadagiti pampubliko a pagadalan.
Inbatad ni Presidente Marcos, agar-aramid ti addang ti gobierno tapno saan a nayon a padagsen iti bulsa ti panagadal iti agtultuloy a panagngato ti presio dagiti produkto a petrolyo.
Inpasingkedna nga agtultuloy a tutukan ti pagsayaatan dagiti agtutubo a Pilipino isu a maipawil latta dagiti bayadan wenno kontribusion a singiren kadagiti agad-adal kadagiti pampubliko a pagadalan nangruna ita a panawen ti graduation.
Inanunsio pay ti Presidente a mangrugi ti Serbisyo Fair ti Department of Education (DepEd) no sadinno a dagiti ahensia ti gobierno ken dagiti employer ti agturong kadagiti pagadalan tapno maka-apply ti trabaho dagiti high school student ken graduates.
