LAOAG CITY – Inbasura ti Department of Justice ti kaso nga inpila ti National Electrification Administration ken Ilocos Norte Electric Cooperative General Manager Cipriano “Perry” Martinez kontra kadagiti dati nga opisyal ti kooperatiba pakairamanan ni dati a General Manager Felino “Bing” Agdigos.
Daytoy ti kinumpirmaran ni Atty. Jason Perera, ti abogado ti lima manipod kadagiti innem a dati nga opisyal ti Ilocos Norte Electric Cooperative, a pakairaman ni Agdigos.
Maipalagip a namonganay ti reklamo gapu iti maipagarop a pannakapukaw ti P118-milyon a pisos a pondo ti nasao a kooperatiba.
Inpetteng ni Perera a napaneknekan nga awan ti kinapudno na ti alegasyon kadagiti dati nga opisyal ti Ilocos Norte Electric Cooperative gapu ta awan ti pondo a napukaw.
Innayon na a basar pay iti rimuar a desisyon ti Department of Justice ket mismo a dagiti board of directors ti nagmandar no kasanu a nausar ti kwarta.
