LAOAG CITY – Nairekord ti Department of Energy (DOE) ti dakkel a panagbaba iti panagkonsumo ti kuriente ken langis iti pagilian.
Basar iti Department of Energy, kagiddan daytoy iti panangipatungpal ti naig-iget a conservation measures ken flexible work arrangements.
Ti konsumo ti kuriente ket bimmaba manipud iti 45,010 kWh iti 34,540 kWh iti uneg ti dua a monitoring period idi Marso 2026.
Daytoy ket katukad ti 23.26 percent a panagbaba wenno sumurok 10,000 kWh a nainot nga adda ti mapatta-patta a gatad a P144,591.
Naobserbaran ti panagbaba iti panagusar ti langis. Manipud iti 2,724.64 litro, bimmaba daytoy iti 1,841.92 litro a katukad ti 32.40 percent reduction ken umabot iti P70,560 ti nainot manipud iti daytoy.
Iti pakabuklan, umabot iti P215,151 ti pakabuklan a nainot ti Department of Energy manipud iti kuriente ken fuel.
