LAOAG CITY – Ad-adda a pinaigetan ti Philippine National Police (PNP) ti panangiwayatda ti price monitoring kadagiti kangrunaan a magatgatang ita a Semana Santa.
Inbatad ni Philippine National Police Chief Gen. Jose Melencio Nartatez Jr, addan dagiti naarestarda nga indibidual a mangipangpangato ti presio kadagiti ilaklakoda.
Kabinnulig ti Philippine National Police ti Department of Trade and Industry (DTI) nga agsursursor kadagiti tiendaan tapno masigurado nga awan ti mangiwaywayat ti iligal a panagngato ti presio.
Ginutigotna ti publiko nga insigida nga i-report kadagiti kapulisan dagiti makitada nga agipangpangato ti presio kadagiti magatgatang.
