LAOAG CITY – Kinumpirmaran ti Buckingham Palace ti personal nga ibibisita ni King Charles iti White House ita a bolan ti Abril.
Basar iti Buckingham Palace, kadwa ni King Charles ni Queen Camilla nga agbiyahe iti Atlantic.
Igiddan da King Charles ken Queen Camilla ti ibibisita da iti White House iti maika-250 nga anibersaryo ti American Independence.
Adda met dagiti sumagmamano nga agpanpanday linteg iti United Kingdom ti mangkweskwestyunar no rebbeng nga ituloy ni King Charles ti panagbisita na wenno kanselaren gapu iti agtultuloy a riribok iti Middle East.
