LAOAG CITY – Nakipagkita dagiti Iranian officials ken ni Prime Minister Shehbaz Sharif ti Pakistan para iti United States peace talks.
Nakipagkita pay ni United States Vice President JD Vance ken ni Sharif iti panangbayabay kenkuana ti special envoy a ni Steve Witkoff ken United States President Donald Trump’s adviser ken manugang a ni Jared Kusher.
Naipakaammo ti peace plans iti media ngem awan pay ti naiparuk-at no ania ti kangrunaan a napagsasaritaan dagitoy.
Inbatad ti Iran’s delegation leader a ni Mohammad Bagher Ghalibaf a dagiti negotiators-da ket addaan ti napintas a gagem ngem saanda a pagtalkan ti Estados Unidos.
Maipalagip a nagballaag ni Vance a saan nga agpangadua nga agaramid ti Amerika a mabalin a pagbabaywan ti Iran no saanda nga agtungpal iti katulaganda.
Kabayatanna, basar kadagiti Lebanese officials, makipagkita dagiti negotiators-da iti Israeli delegation iti Washington inton Martes.
