LAOAG CITY – Plano ti Estados Unidos a lukatan manen ti dati a Cold War-era military base iti southern Greenland ken mangiwaras kadagiti tropa ti gobierno iti east coast base nga us-usaren iti agdama ti Danish dog sled patrol iti babaen ti katulagan a pinirmaan ti Amerika, Denmark ken Greenland.
Naamoan a dagiti nasao a lugar ket Narsarsuaq, a ti populasyon a ket bimmaba iti sumagmamano laengen a dosena sipud pinaserraan ti Estados Unidos ti Bluie West One military base idi 1950s, idinto a ti Mestersvig, ti military outpost ket agdama nga us-usaren ti Sirius Dog Sled Patrol, ti Danish special forces unit.
Manamnama a pirmaan ti Denmark, Greenland ken ti Estados Unidos ti baro a katulagan iti United Nations General Assembly idiay New York City.
Saan metten a naipublikar ti linaon ti nasao a katulagan.
