LAOAG CITY – Nasugatan ti 16 nga indibidual kalpasan a pinaltu-paltogan ti maysa a lalaki ti pagadalan idiay Turkey.
Pinaltogan ti agtawen ti 18 a suspek ti maysa a vocational high school iti Siverek, Sanliurfa province babaen ti shotgun.
Naammoan a kalpasan ti insidente ket naglemmeng daytoy iti maysa a paset ti pasdek sakbay a pinaltoganna ti bukudna a bagi.
Inbatad ni Governro Hasan Sildak a dagiti nasugatan ket pakairamanan ti 10 nga agad-adal, uppat a mangisursuro, maysa nga empleado ti canteen ken maysa a pulis.
Agtultuloy ti imbestigasion dagiti otoridad mainaig iti motibo ti suspek.
