LAOAG CITY – Maiyur-uray ti schedule dagiti agawat manen iti Milestone Awards ditoy siudad ti Laoag.
Segun ken ni Mrs. Perlita Cabello, mangidadaulo ti City Social Welfare and Development Office ditoy siudad nga adda ti manamnama a 336 dagiti umawat iti nasao a programa.
Inbatadna a tallo a lugar ti naikeddeng a pagawatanda para kadagiti clustered barangay dagitoy pakairamanan iti Barangay 27, central terminal ken Barangay Nalbo.
Inlawlawagna a babaen iti daytoy ket al-alisto a maipadanon kadagiti benepisiario ti milestone awards ti insentibo.
Kunana a binilinda pay dagiti barangay officials a tumulong a mangilugan ken mangitulnog kadagitoy kadagiti nadakamat a lugar a pagawatanda tapno isu pay a makatulong kadagiti senior citizens.
Innayonna ti Milestone Awards ket maysa kadagiti programa ti gobierno lokal ditoy siudad ti Laoag kas tulong ken suporta kadagiti senior citizens kadagiti dadduma a pagkasapulanda.
