LAOAG CITY – Inanunsio ti Social Security System (SSS) ti al-alisto a requirements para iti panag-avail ti Emergency Loan Program (ELP) iti baet ti krisis gubuay iti tension iti Middle East.
Iti maysa nga statement, inbatad ti Social Security System a mabain nga ag-apply para iti emergency loan dagiti miembro nga addaan ti 18 a kontribusion no sadinno a ti 6 a kontribusion ket nasken a nabayadan iti kaudian a 12 a bulan. Daytoy ket bimmaba manipud iti dati a 36 a bulan a kontribusion a palpalubosan para iti emergency loan.
Sakup metten iti programa dagiti miembro nga addaan ti minimal past-due loans nga addaan ti agingga tallo a bulan nga amortizations kasta pay sakup payen dagiti overseas Filipino workers (OFWs).
Adda ti pakabuklan a P27 billion ti nailatang para iti programa a manamnama a makatulong iti 2.24 milyon a miembro ti Social Security System.
Iti babaen ti programa, mapalubosanen dagiti miembro a makabulod ti agingga iti P20,000, nga addaan ti interest rate a 7% iti kada tawen nga addaan ti innem a bulan a binulan a moratorium.
