LAOAG CITY – Naipatungpalen ti pannakaipawil ti Estados Unidos kadagiti sumagmamano a Canadian imports, pakairamanan ti arak, dairy ken motorsiklo gapu iti trade war iti dua a pagilian.
Daytoy ket kas sungbat ti Trump administration iti panangimplementar ti Canada ti tariffs kadagiti produkto ti Estados Unidos iti kallabes, kasinnaruno ti breakdown iti trade talks.
Mainaig iti daytoy, saan a manamnama nga agibales ti Canada kabayatan ti rakurak ni Prime Minister Mark Carney iti kallabes a “modest” wenno nanumo ti epekto ti import bans iti ekonomia ti Canada.
Ti trade ban ket maiyaplikar iti umabot ti CAD$1 billion a gatad ti Canadian liquor a nai-export iti Estados Unidos, pakairamanan pay ti ‘whey products’ a maus-usar iti protein powder.
Malaksid iti daytoy, naapektaran pay ti motorcycle exports a mapan iti Estados Unidos.
Nupay 5,000 a motorsiklo laeng ti inpatulod ti Canada iti south border idi tawen 2025, aggatad dagitoy ti CAD$120 million, basar iti national data ti Statistics Canada, no sadinno limitado ti epektona.
Immunan nga inanunsio ni US President Donald Trump babaen ti addo nga executive orders a pinirmaanna idi Setiembre 8. Segun kadakuada, dagitoy a measures ket kas sungbat iti “continued discrimination” ti Canada iti US dairy, automotives ken alcohol.
Kabayatanna, inakusaranna ti Canada a “treating the United States very unfairly,” ken kunana a maysa kadagiti ‘worst countries’ iti intero a lubong ti Canada.
